半裸溫泉照被艾粒擺上台！余迪偉指控：性取向歧視同職場欺凌

由當奴（唐劍康）和少爺占（甄子康）組成的艾粒（ILUB）昨晚（2月9日）於九展Star Hall舉行頭場《Part2 ! 王鳳女士 XYZ 銀河道士大匯演》。艾粒在舞台上重現過往的經典廣播劇和角色，如《呢100通訊站》、《文化節拍》、王鳳女士、銀河道士等，全場觀眾非常興奮。

開場時播出艾粒經典節目《文化節拍》的片段，播出商台同事余迪偉的浸溫泉照片，寫道「迪偉同你浸溫泉」，現場觀眾嘩聲四起。

不過，余迪偉昨晚深夜出post，直指艾粒未經他同意擅自將他的IG相放上舞台。他寫道：「Enough is enough! 你哋都玩咗咁多年啦，我都冇出聲咁多年啦，你哋都有頭有面有地位，仲玩？」

余迪偉又表示：「呢張相係我IG嘅，有冇經過我同意上你哋個大台去賺錢呢？呢單嘢係性取向歧視同埋職場欺凌！」當奴和阿占於截稿前未作公開回應。