現年44歲的方力申與女友葉萱去年攜手跨過風浪,雖然感情穩定,但小方直言受過往緋聞影響,現時需要更多時間讓女友加深了解,以贏取信任,直言現時還未到談婚論嫁階段。他又表示現時正面對中年危機,曾一度想過轉行。
藝人方力申曾是香港游泳代表隊隊員,更於2014年獲選香港十大傑青,及後他淡出泳壇,全身投入娛樂圈。於圈中多年,小方拍過多部電影、電視劇,令人最有印象的莫過於與前女友鄧麗欣合演的多部愛情電影《獨家試愛》、《十分愛》及合唱的主題曲。之前因疫情關係,全行幕前工作減少,幸而他都一直有搞游泳學校教游水。
最近在無綫新劇《逆天奇案2》中扮演天才科學家的小方日前接受東網獨家專訪時,坦言之前疫情時工作量大減,加上面對中年危機,絕對是大挑戰,他不諱言:「疫情、中年,好多角色唔到你做,偶像派、愛情故事已經過咗,好成熟嘅角色又未到我,幸運有其他事業好似教游水。」
中年危機諗過轉行
小方坦言曾質疑自己,更一度想過轉行,慶幸演舞台劇令他重新肯定自己:「做舞台劇感動到人,心諗我都冇揀錯行呀。」人到中年問他可有想過跟拍拖一年的女友葉萱(Maple)拉埋天窗,踏入人生另一階段?他說:「都有諗,啲人話成家先立室之後對事業有幫助,因為要養家、有個責任,但反而由細到大我都冇諗過到今時今日都未結婚,不過,呢啲係兩個人嘅事,要慢慢傾,呢個年紀唔能夠衝動,唔想覺得婚姻係兒戲,唔想結兩、三次婚,我係嚮往一個完整家庭,所以真係要溝通。」
現時跟女友處於蜜月期的小方坦言還未認真跟女友討論結婚一事:「講笑就有講過,每次拍拖都好認真,但係要對方知道都要一段時間,我咁多新聞,佢都要時間去認識係八卦雜誌嘅我定係眼見嘅我呢?我成日講咩佢都唔信,又話我做戲好Chok,唔似平時。」他也自嘲難明白至今還未能贏得女友信任,認為兩人還需要時間了解。
容易惹緋聞的小方,現在有女朋友而變成絕緣體,但圈外女友難免對他的「過去」猜疑,問到劇集出街可會挑動對方神經,例如想起他與馮盈盈的緋聞,他笑說:「咁梗係有問過,女仔好奇心比男仔強,鍾意問過去,我會如實地答晒,但係咁咪戇居,答完未必係好事。」說到跟盈盈的緋聞,他笑說:「呢啲就好易解釋,圈外人先會信,圈內人就好容易明白。」
更多新聞,請瀏覽東方日報網頁:
https://orientaldaily.on.cc/
東網網站 : https://on.cc/東網Facebook專頁 : https://www.facebook.com/onccnews/
留言 24
Mamalade
睇下點比較囉,舉個例同steven比,方力申接近滿分架喇
05月09日01:05
Joejoe
佢邊算花,係條條女吊高黎賣,吊多幾年睇下點~咪又一個唐X詠
05月09日01:12
B
條女只會信教主架咋
教主叫佢幫手呃啲女送畀教主玩,佢配合無縫
🥺
05月09日01:50
LAM
方伯算罷拉,花心中意玩,又唔睇下自己幾多歲
05月09日01:31
JK
濺男食完人地唔想負責任啫
05月09日01:02
顯示全部