麥玲玲主持的TVB Plus清談節目《玲玲友情報》，今晚（21日）請來支嚳儀（Venus）現身。Venus 2022年參加《中年好聲音》出道，同期學員包括周吉佩、龍婷、吳大強及曹敏寶等。她近月受不利傳聞影響，因而非常困擾。節目中，麥玲玲對她說︰「睇報道話《中年1》人際關係好複雜、多是非喎，你又要求換唱歌拍檔，搶人哋（曹敏寶）唱歌拍檔。」Venus未來得及回應，麥玲玲已接住問︰「你跟曹敏寶乜嘢關係？」
Venus表示當初抱着娛人娛己的心態加入娛樂圈︰「參加《中年1》時無諗過要得到乜嘢名次，所以成個比賽旅程都好enjoy。我係嗰種為興趣，希望以後老嘅時候可以睇番，好純粹一種心態，無爭名奪利嘅心。」她直言從沒想過37歲仍有自己的歌推出，非常感恩。麥玲玲以過來人身分，教Venus應對謠言的方法，她說︰「當年自己出嚟都有是非，但係我會主動同媒體溝通，佢哋明白、知你係乜嘢人之後，好多事會簡單好多。5個人入面，獲3個人認同已經算贏。謠言講得多會成為你人設，到時係好難甩，無所謂清者自清，如果理直氣壯，適當時候係可以解釋吓。」
（即時娛樂）
留言 0