請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

林千渟難忘幽默岑珈其 吳家忻演活麻甩港女 野蠻調教ANSONBEAN

ANSONBEAN和吳家忻在劇中疑似咀嘴。(大會提供)
ANSONBEAN在劇中是搞笑擔當。(大會提供)
吳家忻和林千渟戲裏戲外都是好姊妹。(大會提供)

由吳家忻(Kayan9896)、林千渟和陳毅燊(ANSONBEAN)主演的Viu Original首部本地原創劇《#她和她的戀愛小動作》,將於10月7日在黃Viu上架。

Kayan和林千渟在劇中演同居好姊妹,千渟形容2人角色性格迥異:「Hayley(Kayan飾)完全唔怕社交,而我就比較內斂,雖然好想拍拖,但係只會收埋喺心入面。」

劇中阿Ling(林千渟飾)慘被花心男狠撇,後來在室友鼓勵下,開拓社交圈子,卻遇上千奇百怪男生,其中千渟對凌文龍(小龍)和岑珈其印象深刻:「小龍係非常有經驗演員,同佢合作我好信任同放鬆;珈其本身好搞笑,我最難忘嘅一場戲,就係同佢喺北角食炸大腸,佢好幽默、大家產生好多火花,特別開心。」

劇中不時調教男友Jason(ANSONBEAN飾)的「野蠻女友」Kayan則笑言,「Hayley」一角不但刁蠻潑辣、更有公主病,她自認與角色相似:「相似嘅位唔係我有公主病,而係一樣直接、有啲不修邊幅,同埋有啲麻甩。」談到兩位好拍檔,家忻大讚「男友」做事認真:「ANSONBEAN拍攝時搵命搏,每次都會交足100%,成日整親自己。」

ANSONBEAN在劇中跟Kayan疑似有親吻戲分,ANSONBEAN更是「搞笑擔當」,他獲封「劇組開心果」,他也自認愈演愈放開:「我最深刻嘅場面係開辣椒醬樽,因為我嗌到好大聲!拍完嗰場戲之後,我嘅角色開始走搞笑路線,Jason表現愈來愈誇張,劇入面好多笑位,都係我加入去,加上2位導演好有諗法,有時會突然加啲動作同對白,令成件事搞笑咗幾倍。」

(即時娛樂)

查看原始文章