渣打香港馬拉松今朝舉行，近年熱愛長跑的69歲周潤發亦有參加半馬賽事，最後以大會時間2小時24分33秒衝線，不過他表示個人時間應為2小時22分左右。而參加10K賽事的唐詩詠，就跑完才知受傷流血。
周潤發第3次參加香港渣打馬拉松，賽後他表示滿意今日有好成績，出年會挑戰2小時20分完成半馬，不過他就指無意挑戰全馬賽事，更表示如果80歲跑半馬可以跑到2小時就好。至於參加10K賽的唐詩詠，賽後就在IG出圖出文，膝頭流血：「完成啦
🏃♀️🏃♀️🏃♀️🏃♀️🏃♀️🏃♀️今日天氣超好，一路跑呼吸暢順冇氣喘，成績比之前好，我算滿意㗎，但教練就應該覺得麻麻哋嘞😂😂另外要感謝一班醫護人員，開跑時多人click一click，無檢查傷勢就一路跑，跑完返嚟先發現自己流血，多謝你哋好溫柔地幫我洗傷口🩵🩵🩵下年再見。」
今屆渣馬有不少藝人參賽，當中包括連詩雅、梁諾妍、林子善、許家傑、林淑敏、阮浩棕、崔錦棠、梁釗峰、陳安立以及蘇浩才等。