香港一連五日的農曆年假期經已結束，據香港票房有限公司綜合 2025 年農曆新年賀歲檔期（由除夕至年初四 1月28日至2月1日）五天的電影票房，6部賀歲片當中，沒有一部票房可以在賀歲期間破千萬。當中票房領先的是《臨時決鬥》和《祥賭必贏》，兩片的演員日前都頻頻四出謝票，甚至到售票處「拉票」。另一部香港製作的賀歲片《麻雀女王追男仔》的討論度和票房都相對較差。
一個分享電影評論的平台「港唔斷戲」昨日（2月4日）在Facebook專頁發帖文，版主提到「今年嘅香港賀歲片，票房差係合理……我自己只係睇咗三套入面嘅0.7套，純粹諗住應下節，但最後都要睇到我中途離場」，版主提到的3套賀歲片可能是《臨時決鬥》、《祥賭必贏》和《麻雀女王追男仔》，而有份主演《祥賭必贏》的張繼聰就留言寫道：「今次係我最後一次睇你嘅page。」；「Ben Sir」歐陽偉豪亦有留言，寫道：「三套，每套都0.7套，定係三套有兩套睇晒，一套只睇0.7套？」。
「港唔斷戲」版主在帖文寫道：「今年嘅香港賀歲片，票房差係合理……我自己只係睇咗三套入面嘅0.7套，純粹諗住應下節，但最後都要睇到我中途離場，真係差同尷尬到睇唔曬……新年流流都要人發火，唔尊重觀眾，觀眾最後都係會離棄你。要搞返好香港電影，就係愈爛嘅牌，就要愈用心打，打爭氣波，但而家好似就係背道而馳，賀歲檔唔再係／唔應該係粗製濫造用嚟吸錢嘅工具，有麝自然香，拍得好就死都幫你推返生，要相信新時代觀眾嘅慧眼，差嘅就擺乜檔期都係曇花一現，搵咩人宣傳，都係死路一條。2025年對香港電影同戲院，都應該係艱難嘅一年，共勉。」
隨著張繼聰的留言曝光，不少網民都湧到平台留言，「睇左0.7套又點可以得出呢個結論？」、「好少見張生咁唔客氣」、「樓主未睇曬就X曬成個新春擋期，仲X埋整個2025年」、「係咪代表佢未求證先發言？」……亦有人不滿張繼聰的留言：「人哋評論下套戲啫，你就要咁小家。香港電影唔係盲撐嘅，一點評論都容不下，係唔會有進步㗎。」、「如果咁溫和嘅批評都唔聽得，淨係可以讚叻叻講加油？」……
今年3套主打新春檔期的香港賀歲片包括《臨時決鬥》、《祥賭必贏》和《麻雀女王追男仔》。《臨時決鬥》由麥啟光執導，古天樂、梁詠琪、王丹妮、周秀娜等主演。《祥賭必贏》由羅耀輝執導，張繼聰、蔡卓妍、朱栢康、邱士縉、吳家忻等主演。《麻雀女王追男仔》由王晶、葉念琛聯合監製兼執導，高海寧、馬國明、陳家樂、陳靜等主演。