龔慈恩女兒林愷鈴(Ashley)被稱為「A0女神」，不過早前有一張男友視角嘆啡圖，就傳出和英皇爆肌新人楊天宇(Angus)拍拖正式出Pool傳聞。早前楊天宇出席電影《陰目偵信》首映，就回應稱和林愷鈴的確相當投契，而且經常出街傾偈。
楊天宇回應傳媒指他和Ashley是否有好消息時回應：「其實只係好朋友，我哋的確投契亦經常出街同傾偈，如果有好消息會話畀大家知，但現在仍是好朋友。」提到擇偶條件，他竟然燒到旁邊一同受訪的陳家樂老婆連詩雅身上：「嘩！嘩！嘩！又高又靚，有邊個唔鍾意又高又靚好似佢老婆咁？」亦說：「我係好欣賞佢，佢好斯文，係個好有才華好有家教嘅女仔。」不過提到男友視覺圖，他則否認嘆啡的「男友手」是他：「我唔在場，我哋係有出街，但相中隻手真係唔係我。」而是她工人姐姐隻手。
