真正嘅關西風壽喜燒，除咗加湯做法嘅分別，即係乾鍋撒糖烤牛，做到帶點焦甜焦香，最緊要都係有專人製作，坐定定就有得食。(真係想自己整嘅話應該都可以嘅)
呢間本身做開居酒料理，所以都見啲前菜都特別有水準，不過最緊要緊係和牛壽喜燒，仲有加湯任食海鮮鍋料，仲仲有瘋狂任飲Sake，仲仲仲有第二位半價。
-
🥩和牛壽喜燒 & 海の幸鍋物套餐 (第二位半價$440 / 原價$880)
除咗十勝和牛壽喜燒、任食海鮮鍋物、任飲Sake，一Set仲有齊先付け、八寸、椀物、焼き物、甜品，性價比高到痴線。
🔸先付け - 季節沙律 (每位一份)
🥗海葡萄沙律
🔸八寸 - 季節料理四品(每位一份)
🥢原隻鮑魚天婦羅 🥢山葵海帶八爪魚
🥢鮟鱇魚肝 🥢三文魚籽拖羅脆片
🔸椀物 - 海の幸清湯 (每位一份)
🍲海老玉子豆腐湯
🔸焼き物 (每位一份)
🥓西京燒銀雪魚
呢到啲居酒料理一向高質，前菜都唔係入貨hea嘢，真係師傳用心設計過，原隻鮑魚都有，最正係份西京燒，油香肥美帶甜，真心好食。
-
🔸鍋物
🥩關西風北海道十勝A4和牛壽喜燒(每位一份)
超邪惡嘅關西風壽喜燒，超正宗嘅做法，而且有專人面前製作，撒糖烤和牛再落汁，滲哂肥美油脂，又烤到面頭焦香，帶點焦糖甜香超正。
🦐海の幸鍋物
然後加湯食海鮮鍋，呢個鍋物都唔少嘢，有齊廣島蠔、北海道帆立貝、車海老、大蜆、青口，仲要索哂和牛油香。
🔸任食指定鍋物鍋料
而且唔少鍋料都可以任食，除咗部份海鮮，仲有雞肉、豚肉、蟹柳呀菜呀呢啲任食，湯底除咗有和牛油香，仲要比海鮮越滾越鮮甜。
🔸任飲SAKE
呢個唔洗多講，呢個價錢剩係食已經夠抵，仲要瘋狂任飲，咁食法都唔知賺唔賺到錢，超誇張。
🔸甘物 - 日式雪糕甜品
-
淼屋
🗺️上環蘇杭街57號Akvo酒店1樓
📞3188 8005
🕰️用餐時間：18:00-21:15
❇️和牛壽喜燒仲有專人製作，當日現場唔多人食，速度係幾快，希望爆場都keep到，不過環境真心舒服，又有得任飲Sake，Chill住食都得。
▼Follow foodiegogoooo
Instagram: https://www.instagram.com/foodiegogoooo/
留言 0