歌手菊梓喬為「博愛100周年青年音樂會」任嘉賓，剛在勁歌金曲狂掃獎項的她，對於被稱呼為「一姐、菊姐」即表現尷尬，並呼籲大家稱她做喬妹。
談到於昨晚頒獎禮，菊梓喬自爆𤓓事，她說：「當陸浩明宣布我攞『最佳演繹女歌手獎』時，我未等到佢頒獎畀我，我已經伸手拎咗個獎，後來睇番重播先知，好尷尬，伸畀佢嘅粉絲鬧我冇禮貌，我有message同佢講好抱歉，對唔住，不過佢都知我係緊張過頭。」
而將收爐放假迎接新年的她，表示有意請同事食飯，以慶祝其今年大豐收，稍後她亦為新劇開工，故於開劇前先進修一番：「我會去學跳絲帶舞，之前學過幾個月，本來諗住喺演唱會表演，但做得未夠好取消咗！（你諗住參加馬戲團？）要進修吓先，但我對跳火圈係好有誠意嘅。」至於梁詠琪則以壓軸嘉賓身份亮相，事前已透過公關表示不受訪。
東網網站 : https://on.cc/
東網Facebook專頁 : https://www.facebook.com/onccnews/
