呢排又有選美賽事，相信唔少市民都有留意，然而沙田區議員龐愛蘭(Scarlett)就好緊貼選情喎，點解？
Scarlett日前喺Facebook上載咗一張合照，坐喺佢旁邊嗰個女仔熟口熟面，睇真啲咪就係打入香港小姐十五強嘅其中一員、19歲嘅謝釆芝(Fefe)囉！咁同Scarlett有乜關係呢？原來Fefe係Scarlett嘅契女呀！
佢喺貼文中仲為契女打氣，話希望佢能夠享受整個過程，認識多啲大學以外嘅朋友，盡情發揮同學習，又爆料話回想十多年前已經認為契女有香港小姐嘅氣質，美貌與智慧兼備，有愛又充滿正能量添！
其實，2015年嘅港姐亞軍龐卓欣(Ada)係Scarlett嘅姪女，呢個「港姐姑姐」會唔會做埋「港姐契媽」，咁要睇下Fefe嘅表現嘞！大家就要拭目以待喇！
東網網站 : https://on.cc/
東網Facebook專頁 : https://www.facebook.com/onccnews/
留言 0