前港足教練Gary White 重返中華台北執教，今日就剛剛上演佢回歸中華台北國家隊嘅首仗，最終同泰國打成平手，而後備入替嘅陳庭揚泰山壓頂頭槌破門幫中華台北尾段扳平比分！
其實今場中華台北對泰國嘅國際友誼賽同香港都有唔少連結！首先球證係我哋香港球證廖國文，而泰國會係香港隊下場友誼賽對手，中華台北就除咗教練係前港足教練加利韋特之外，入波嘅兩位球員蔡立靖同陳庭揚，以及擺烏龍嘅王睿都曾經出現喺港超聯。
以今場泰國隊嘅表現嚟睇，泰國教練保京真係可以早抖。下場如果泰國仲係踢得咁差，會係香港隊近十年最有可能打敗泰國嘅契機。
▼ Follow 守拙頻道 (已授權予Line)
留言 0