柯煒林（Will）與小薯茄的吳冰（阿冰）曾在Dear Jane歌曲〈銀河修理員〉MV後合作，今年二人同樣與攝影師Woody Lau合作推出寫真集，三人今日一同出席簽書會與粉絲見面，雖然他們都是首次推出寫真集，但簽名版首日經已火速掃空。
阿冰和Will今次獲攝影師邀請分別往北海道及濟州島拍攝，各自推出新作《Blue Blue Blue》和《Oranju》，二人同樣獻出第一次，今日出席簽書會隨即吸引現場過百名fans手持兩位的寫真，與兩位見面。
首次分別推出寫真集就獲得如此熱烈反應，提到日後會否每年書展也推出，阿冰說：「如果再有呢個機會，當然好啦！呀！不如搵埋其他小薯茄一齊出一本，主題係我地互影大家既工作日常，唔知有冇人有興趣買呢？」Will就說：「好多謝大家咁支持，每年就唔會了，影一本相集需要好多力氣，哈哈！或者在電影作品上如果能夠遇到一個適合嘅角色，有機會為呢個角色出一本相集呢！」
今次可說是阿冰和Will再次攜手合作，繼2020年Dear Jane〈銀河修理員〉MV後再次在工作上碰面，Will表示：「拍攝我地係分開，所以今日簽名會係相隔一段時間，在工作上再次碰面，阿冰依然都係好靚，同埋頭先我地都有傾番3年前拍〈銀河修理員〉既事，好熟悉既感覺。」阿冰笑言：「大家又可以喺同一個工作機會上碰面，我地都係第一次出寫真集，呢個係緣份，最多謝Woody帶給我地這個機會。」
留言 0