無綫台慶劇《黑色月光》昨晚（13日）上映一場楊卓娜（Lenna）與楊茜堯的「親姊妹對喊戲」，場口不但長達3分35秒，Lenna更要邊喊邊講對白，及要展示六種情緒起伏，憤怒、扮衰、不甘、委屈、感恩及無助，與「視后」級親妹楊茜堯鬥飆戲，拍攝時更一take過完成，演出相當精彩。
卓娜談到與親妹對戲，兼且是喊戲，Lenna坦言起初好有壓力：「因為我未試過同我個妹講對白，但原來又冇我想像中咁緊張，所有嘢都好自然。」Lenna感恩拍攝順利：「嗰場戲所有嘢都好自然、好衷心做到出嚟，所以一take就過咗去。其實由我拎起劇本睇嗰刻，我已經好投入、已經喊咗，每次只要我一諗嗰個對白，我就好想喊，到依家都係。其實我已經唔係好記得啲對白，但個情緒仲喺我心入面，好touched到我，要touch咗自己、先可以touch觀眾。」
她又分享投入角色之道，都是靠自己努力做足功課：「要明白角色嘅立場，畀好多充分嘅理由佢，如果唔係觀眾覺得有反駁嘅，就會投入唔到。」
東網網站 : https://on.cc/東網Facebook專頁 : https://www.facebook.com/onccnews/
留言 0