由葉念琛執導，湯怡、吳卓羲（Ron）、潘燦良、何珮瑜（Jeana）演出的英皇電影《致命24小時》，首次扮演失明人士的湯怡於電影開拍前到盲人中心實地考察，除了矇住眼在家中體驗生活外，亦嘗試煮餸，她說：「演失明人士真係好大挑戰，當初會想像盲係有好多種，最後我以擘大眼去演。」
潘燦良與湯怡在電視劇《瑪嘉烈與大衛系列綠豆》曾經合作，不過今次湯怡在戲中不停被潘燦良糟質，更摑打她十幾巴，隔住大銀幕也戥她慘。她說：「我第一日開完工，落完妝發現面上爆晒微絲血管，手腳都有瘀傷。」湯怡在戲中除了有被打戲份外，不乏性感造型上陣，當中有出浴鏡頭大露背，她直言今次是入行以來最大性感尺度亦是最搏命的一次。湯怡說：「我在片場睇返playback自己的眼淚都會流，你試下每晚都被人虐打咁多次！雖然有性感造型，但我做足安全措施變成打底王。」今次演大反派的潘燦良，因戲中的太太何珮瑜發生出軌事件，令他成為變態殺手，為了報仇糟質湯怡，包括摑打、扯頭髮，還有從梳化硬拉對方落地上等招數盡出，就連太太Jeana無一倖免被他打。對於演繹今次變態角色，潘燦良坦言好同情角色的遭遇，雖則好愛太太，但被太太嫌棄。
在旁的吳卓羲（Ron）搞笑說：「所有事都係Jeana搞出嚟！成部戲原來你先係壞蛋！如果無你出現，我就唔會搞到咁樣！」吳卓羲在戲中與潘燦良有連場的打鬥戲，雖然潘燦良在舞台劇上經驗豐富，但他坦言武打技巧或力度不及Ron有經驗，反而自己屬於新手要向對方學習。Ron則大讚潘燦良演戲氣場勁，搞到自己也想演失明人士以免被對方的氣場吸引。Ron說：「我覺得可以跟一些好資歷的演員去合作，就算講每一句說話對手吸引到去演時候，身為演員的我，覺得好享受！同燦哥演對手戲講對白，我有毛管戙感覺，覺得好想拍更多，自然會諗到嘢加入動作或表情。」
圖：陳敏華
文：鄺芷瑩
留言 0