何韻詩與黃耀明合作新歌《威廉》 迷惘後自我振作重返歌手本位

【獨媒報導】歌手何韻詩昨日到商台節目宣傳新歌《威廉》，並透露正製作全新大碟。該首新歌由何韻詩一手包辦曲詞，人山人海的李端嫻負責編曲， 監製之一是首次合作的黃耀明。何韻詩在訪問中提到，過去數年一直希望重尋歌手的本位，指自疫情以來均感到迷惘，從經歷迷惘到摸索，再到自我振作：「其實係一路搵緊一個新嘅、適合宜家呢刻自己嘅言語、音樂上嘅言語。嗯，我真係覺得好多嘢唔同咗。」

網媒《立場新聞》多名成員前年12月遭警方國安處拘捕，被控涉嫌串謀發佈煽動刊物罪，公司前董事何韻詩等人同被拘捕，至去年5月，何韻詩再次遭國安處拘捕，涉及612人道支援基金案件，她涉嫌干犯串謀外國勢力或者境外勢力危害國家安全罪，更要交出旅遊證件。另外，何韻詩原定前年9月在灣仔壽臣劇院舉辦演唱會，但遭香港藝術中心以觸犯場地租借合約為由，即有可能危及公共秩序及安全，取消場地預訂，自此未能在香港舉辦公開演唱會。

何韻詩昨日到商台，接受叱咤903節目《叱咤樂壇》訪問，她稱感到十分興奮，早上很早已起床，笑言如同小學生準備前往郊遊，「瞓幾個鐘就自己彈起咗」，有「做返新人」的感覺。她表示一直希望推出新歌，「其實本身真係一個歌手嚟，個本位係一個歌手」：「你話呢幾年點解好似擺埋咗一邊？其實內心係一路都喺度搵緊方法做返呢件事，但係就好多壓力。」

《叱咤樂壇》Facebook截圖

感舊有模式已不可行 難假手於人須親自填詞

被問到壓力來源，何韻詩指壓力除了自己，亦有「認為別人給予」的壓力，「成個大環境，亦都係有好多嘢發生」：「以前嗰個模式當然就已經唔可行，包括點樣去做歌，或者去做show 等等。」

在節目中，何韻詩指新冠疫情開始一直感到迷惘，再到摸索及自我振作，包括寫歌及負責曲詞：「其實係一路搵緊一個新嘅、適合宜家呢刻自己嘅言語，音樂上嘅言語。嗯，我真係覺得好多嘢唔同咗。」

對上一次出新歌兼有宣傳的廣東歌，已要數到2016年《親愛的黑色》，何韻詩表示在合作夥伴、曲風上均很難用言語說出「唔同個位」。她表示，過往亦會親自作曲，歌詞會交給填詞人包括黃偉文，「呢幾年一路搵緊嗰樣嘢就係，硬係覺得係要我自己寫」，強調並非要包辦曲詞：「呢六、七年我經歷嘅變化，或者我成個人嗰個進化，我好難去托人哋幫我去寫，我解釋唔到，甚至其實我都講唔到個變化係乜嘢，真係回歸最原本個種音樂，你用嚟express 你自己。」

《叱咤樂壇》Facebook截圖

重尋歌手本位過程艱辛 參與網上作曲班重新愛上寫歌

在重尋歌手的本位的過程中，何韻詩形容十分艱辛、漫長，但強調屬於必須的過程。她表示，在疫情期間的生活欠缺動力、如同「freeze咗」，及後朋友建議可以嘗試行山，期間發現「要郁」，更參加了寫歌的網上作曲班，令自己重新愛上寫歌。她自言「有十年嘅時間我好怕寫歌」，但現時就十分喜歡，更推薦其他創作歌手都要上堂。在填詞方面， 何韻詩在網上課程中從英文詞入手，更嘗試先寫詞、再作曲。

談到新歌，何韻詩指歌曲與過往的創作方法不同。她提到，初時數月不明白歌曲「想講咩」：「突然之間有個moment，我喺度聽宋冬野，我好鍾意宋冬野嗰一隻碟，我就喺度analyse 佢啲歌詞，嗰個感動就係在於你根本就唔知佢講乜，但你就好感動。」她笑言嘗試「招魂」，在進入宋冬野的模式，「有啲嘢就通咗」，認為毋須每一點都講到「咁清楚」：「我去講我嘅感受俾你聽，我嘅point of view 係乜嘢」。

何韻詩Facebook

新歌與人山人海合作 讚明哥用音樂講故事天份高

節目播出《威廉》 的demo 版本，何韻詩講述了創作的心路歷程。主持追問何韻詩，《威廉》「講乜嘢」，她指不欲解釋得「咁清楚」，認為歌曲中有不少讓人感受的空間：「其實成件事係好personal 嘅，好耐好耐以前嘅一個經歷、嘅一個channel。我可以話係最赤裸嘅一次，講嘅入面嘅題材，或者係感受等等。」

《威廉》由李端嫻負責編曲，監製之一的黃耀明參與和音。何韻詩表示，之所以找來從未曾合作的明哥任監製，源於達明一派前年的演唱會，對方重唱以前大碟的歌曲，「佢拿捏一個時代，拿捏一啲感受，佢用一個音樂嘅語言去轉化一啲感受，其實佢好叻呢件事」；並大讚明哥用音樂講故事的天份很高。

何韻詩透露，早在兩年前已找明哥合作，對方表示「我好慢㗎」，但直至今年年初暫停Podcast 《菇武門》後，有感自己「要正正經經做返歌手」、「唔可以再等」，便正式製作該首歌曲。她透露，原欲分別與李端嫻、黃耀明「各有各做」，但在整合demo 後發現有多達七、八十條，決定合併「一齊做」；在與明哥適應節奏的過程中，對方不斷喚自己「試吓先」，最後更採用了明哥建議的音速及音調。

《叱咤樂壇》Facebook截圖

與明哥合作感窩心 透露另有三首歌曲「進行中」

在與明哥的合作過程中，何韻詩指對方不斷提供歌單予她聆聽，感到十分高興、窩心。她表示，多年來學習現場表演，都會以師傅梅艷芳為對象，但音樂上就靠自己摸索，沒想到明哥為自己付出全副心機，更提供不同歌曲予她參考，感恩今次的合作夥伴成功「用最少嘅嘢，講到最多嘅情感」。

在節目尾聲，何韻詩感謝主持邀請其出席節目，但指在重返前往廣播道的路途上，已和昔日不同。被問到「做返歌手嘅何韻詩係點」，她表示感覺好舒暢，並對歌迷派定心丸，透露另有三首歌曲「進行中」，均由明哥任主腦，與蔡德才等音樂人合作。何韻詩最後有感而發稱：「如果你真係好真心咁樣去做嗰件事，去寫、去唱，同埋所謂嘅surrender，唔好一定要嗰件事用自己覺得啱嘅，而係俾嗰件事透過你去發生。」