影帝任達華女兒Ella將於12月迎來20歲生日，亭亭玉立的她，相信拜倒其石榴裙下的異性為數不少。向來對女兒着緊的任達華，以往談到囡囡拍拖即「呷醋外父」上身，然而近年心態轉變，直指「女大女世界」，最緊要囡囡開心及覓得所愛，他便放心！
任達華昨日受訪時說：「Ella仲係乜都會同父母講嘅，佢依家冇拍拖。（好多人追？）咁佢都揀擇嘛。（唔想佢拍拖住？）又唔會，人生唔同階段會有正常嘅社交，最緊要佢開開心心。」
談到工作，任達華主演的電影《紅豆》成為「倫敦東亞電影節」閉幕電影，屆時他會飛往當地出席，順道與女兒見面：「佢喺嗰邊讀緊書，想佢過嚟倫敦同我一齊行紅地氈，到時請埋（太太）琦琦嚟，等我哋過吓家庭樂。」
東網網站 : https://on.cc/東網Facebook專頁 : https://www.facebook.com/onccnews/
留言 0