電影《破．地獄》將於11月14日上映，由陳茂賢執導、編劇，黃子華及許冠文(Michael)主演，還有衛詩雅、朱栢康、周家怡、秦沛、金燕玲、韋羅莎、梁雍婷、白只、鍾雪瑩參演。電影公司就安排兩位男主角對談，分半鐘預告中都好有火花。
足本影片會於9月28日在電影公司YouTube頻道播出，預告中82歲Michael就搞笑叫64歲黃子華做「子華哥」，令子華都忍唔住笑。Michael其後解釋子華能夠成為子華哥：「因為我對你有一種特別嘅尊重，香港居然有人敢用廣東話做棟篤笑！」
而子華就一直視Michael為偶像，二人由當年相識傾到近日《破·地獄》的合作。子華亦大膽問偶像Michael當年電影電視成績斐然，是否算是「少年得志」，Michael聞言回應：「賺到錢先係少年得志，我嗰個時候都賺唔到錢。」子華亦在對談中坦言對一事在意：「嗰班衰仔竟然冇經我同意搵你客串。」透露某部他主演的電影，在不知情下邀得Michael客串。
相隔32年再度合作，子華透露：「對喜劇要求好高嘅人，可能好適合拍悲劇。」而Michael則指：「我覺得同你有責任為香港做啲嘢。」據知二人是有共識地同時間接拍，二人暢談今次破天荒合作原因，子華說：「我喺香港冇見過一套電影有膽面對呢個題材。」Michael則指：「我覺得故事非常動人。」子華亦大爆Michael演出值得大家期待：「我喺其他電影冇見過咁樣嘅許冠文。」而《破·地獄》有不少場口於殯儀館實地取景，子華坦言：「因為我喺TVB訓練出嚟，我覺得幾舒服吖喺萬國殯儀館外面。」
預告完結前一刻，子華向Michael留下一句：「你仲有女朋友嘅咩？」及後二人更笑不攏。
另外，《破．地獄》繼日前宣布晉身「夏威夷國際電影節」後，再獲選為本屆「香港亞洲電影節」開幕電影，將於10月17日首度與香港觀眾見面，而子華Michael亦約定出席稍後之電影宣傳活動，期望一同在大銀幕上一同欣賞二人及台前幕後一眾工作人員的最新作品。
留言 0