由MIRROR三子Lokman(楊樂文)﹑Stanley(邱士縉)﹑Frankie（陳瑞輝）及凌文龍﹑陳湛文﹑陳漢娜﹑岑珈其等人主演的ViuTV自創劇《IT狗》自開播以來一直贏盡觀眾好評，更創出不少抵死金句引起共鳴，昨晚一眾主角就開直播同觀眾互動兼各自揀出「最愛金句」及「最搞笑埸面」！
直播上，Lokman提起拍攝時雖知道金句夠抵死，但未有預想過會引來網民共鳴，他更打頭陣選出自己最愛的金句為「如果你被擊倒就躺下吧」，又同意指如果被擊倒就不要死撐，先休息再出發。而岑珈其就最鍾意「機會係留畀有機會嘅人」、陳漢娜表示自己鍾意出自Frankie口的一句金句「我嘅價值觀就係樂觀地悲觀」。至於凌文龍被點名時，就表示自己最鍾意的金句仲未出街，想趁機「過關」，點知引來群眾叫囂叫他在已出街的情節揀出一句，最後他選了在劇中自己被好友阿Lou抄PayPay Duck橋，感覺就如被人搶女友一樣時所爆出的一句金句「你個老婆畀人搶咗你仲要同佢一齊瞓」，但最好笑是岑珈其更抵死用King Size床來比喻第三者有錢啲，令女友瞓得舒服啲，可能三個人相處到來安慰凌文龍。
另外聊起「最搞笑埸面」，Lokman就話Frankie同林家熙在咖啡機前面各自指點對方沖咖啡給自己，實情是因為二人都不知道如何操作咖啡機的場口夠好笑；而岑珈其就指Lokman帶凌文龍出街「裸跑」點知被警察拉的一幕最好笑。之後凌文龍就自爆開初同劇組傾劇本，叫外賣時點了一杯熱杏霜而受到劇組人員奇異目光及奸笑，當時凌文龍完全毫不知情，搞到他勁無奈，點知實情是劇中有幕講陳嘉寶的未婚夫被捉到在茶餐廳「偷食」，更點了一杯熱杏霜，從而得出一個「男人老狗飲熱杏霜唔方好人」的結論。
