根據西班牙傳媒消息　為咗參加今個星期西班牙國家打吡　利雲度夫斯基可能選擇開波之前打止痛針

巴塞隆拿最近有唔少球員受傷，根據西班牙傳媒世界體育報消息，利雲度夫斯基、法蘭基迪莊同拉芬夏都有可能係西班牙國家打吡復出，至於柏迪、觀迪同羅拔圖將會繼續缺陣🙃

消息指利雲度夫斯基唔會放棄參加西班牙國家打吡，呢位波蘭🇵🇱前鋒之前係歐聯作客對波圖扭傷腳踝，但係已經恢復得唔錯，希望參加到呢場大戰，而利雲亦都考慮開波之前打止痛針減輕痛楚😶

消息指出沙維唔考慮比賽前一日公佈大軍名單，球隊會去到比賽當日朝早先至公佈大軍名單，而沙維希望利雲、迪莊同拉芬夏其中兩位球員可以重返球場🙂