印尼Fusion手工漢堡　自家製東南亞風醬料用心出色｜銅鑼灣｜Number 8 Burger

話說Burger店見得多，醬料自家調較嘅應該唔少，但自家磨製再炒起真係少見，而且連麵包都係店內自己焗起，你地話香港有幾多間。

呢間雖然係手工Burger，但竟然係印尼Fusion，應該係全港唯一一間，由地道印尼媽媽傳授，所以連撈麵都有(當然唔係即食麵果啲)，呢種家庭口味亦都係出邊少見。

-
🍔水滴小漢堡 (自選4件$58 / 自選6件$72)
超推薦叫小漢堡，6件大大個都二人份量，除開一人都係36蚊，根本平到有Bug，仲可以一次過試齊幾款漢堡同醬料。

🔸醬料：巴東醬、參巴醬、青咖喱、柚子醬、芥末沙律醬、黑醋汁、照燒汁、芝麻醬
正如上邊提到，啲東南亞風醬料都係自家製，有啲就先磨後炒，而例如柚子醬就用新鮮柚子自製，出邊真係難搵，可想而知幾咁用心出色。

🔸漢堡：吉列蝦堡、煎牛排堡、吉列雞堡、吉列豬堡、吉列魚堡、大菇堡
漢堡都係走印尼特色，以炸物為主，但都係自家製多，蝦堡真係特別彈牙，而牛肉仲用上牛扒(聽講因為印尼傳統)，真係少有。

-
🍔水滴吉烈豬堡 (Mega Size $1 / $81)
🍔水滴吉烈豬堡 (正常Size $56)
而家仲有個超痴線Challenge，只要8分鐘食哂個Mega Size，就可以1蚊埋單，最搞笑嘅係排行榜上，啲外國人3分幾鐘食哂一個，食多個都仲得。

🥓水滴手打撈麵 ($55)
撈麵當然唔係平時果種，佢地特意用上鴨蛋鹼水麵，而辣醬都係自製，超鮮辣惹味，食到上癮，而且仲有啲吉烈蝦同豬做配料，足料抵食。

🥗印尼炸雞沙律 ($47) 🍟芝士蒜蓉薯條 ($23)
🍵印尼甜茶 ($18) 🍵手工新鮮柚子蜜 ($29)
佢地小食同嘢飲都超值得試，例如沙律醬汁極惹味，拌上炸雞、淮山同青瓜，柚子蜜更加用新鮮柚子手工製。

-
Number 8 Burger
🗺️銅鑼灣道134號地舖
📞26918488

生活