日前網上流出一段韓亞空姐在香港機場櫃檯前跳舞的片段，三位空姐跳舞節拍感強，非常專業，猶如dancer上身的正式表演，被網民大讚「被空姐耽誤嘅dancer」，更建議可以「直接組韓國女團出道」！
該長約30秒的片段在Facebook群組「空姐Secrets」內流出，投稿人問：「如果阿頭叫你跳，你會點？」影片短短一天已有8萬多次觀看。
影片背景為香港機場離境大堂的航空公司櫃位，三位身穿韓亞航空公司制服的空姐舞步合拍又整齊，在Facebook短時間內大量吸Like。不過亦有不少網民質疑為何空姐要為公司跳舞，「入職係咪要寫清楚包埋跳舞呢？」認為這是額外要求，感歎「各行各業都難撈」。
不過不少網民就覺得沒所謂，「呢幾個好明顯就跳得好enjoy」，有人表示：「想出糧～咪做囉！冇咩大不了，又唔係叫你脫衣」。
亦有部份網民質疑她們並非空姐，應該只是「公司請dancers著空姐制服拍嘅啫」，更有留言聲稱認出她們，言之鑿鑿說：「Dancers嚟㗎，有啲仲教開跳舞班。」
圖片來源：Facebook@空姐Secrets
【LINE你睇】每日精選網絡熱話，源源送上新鮮事，LINE你睇唔驚冇話題。
