王君馨常演陰沉、感情錯綜複雜嘅角色，直至喺新劇《我家無難事》終於反璞歸真飾演開心簡單嘅西洋刺繡師傅「澄澄」。現實中王君馨對跳舞、唱歌及演戲有要求，她感激老公包容她的任性，唔會要求她嫁雞隨雞返紐約「交人」，反而鼓勵她留港實現夢想。採訪：方騫平 攝影：沈健程 化妝：Karrie 髮型：Jamie Lee 服裝：Diesel 飾物：Pandora 場地：Greyhound Café Galleria王君馨好鍾意「澄澄」一角，「佢好容易開心同滿足，而且文青造型好有新鮮感，就算拍街景及返到公司都冇人認得係我，啲fans話我好cute。」
自細跳舞好多人追
演繹純情「澄澄」令君馨勾起小時候純純的愛：「好記得小六階段，特登學唱一首韓文情歌，只想喺表演中向心儀嘅男同學表白，點知對方完全接收唔到，反而有留意我跳舞，仲等我放學，因為咁我對佢再冇興趣，我唔鍾意啲男仔只係欣賞喺台上性感、有型嘅我，咁樣太過表面。」君馨唔鍾意膚淺嘅男人，而事實上因為跳舞，她由中學到大學都有好多追求者，「但拍拖就未必想要呢啲，我老公喺cafe同我相遇係一見鍾情，之後不停為見我嚟飲咖啡。不過，我哋拍咗拖個半月後就維持咗12年異地戀，直至婚後佢由紐約搬嚟香港生活。」君馨大讚老公好遷就她，任由她去追夢：「就算達唔到夢想，但佢係永遠陪伴住我嘅人，我好安心。」
留言 0