本周一，朴敘俊、朴炯植、Peakboy及金泰亨(V)擔任崔宇植十周年Fan Meet嘉賓，對屬BTS的V仔嚟講相當突破。今日據韓媒報道，V仔跟朴炯植將參與Peakboy的新歌MV。BTS屬於HYBE的子公司BIGHIT MUSIC歌手，Peakboy跟此公司完全冇關係，是V仔首次演出其他公司藝人的MV，較出席宇植Fan Meet更罕有；此外，朴炯植也是2017年結束帝國之子活動後，睽違4年的MV演出。
介紹返V仔同Peakboy關係先，後者係朴敘俊的高中同學兼老死，而朴敘俊、朴炯植及V仔於16年因為拍攝《花郎》結識，自此成為老友，幾忙都會抽時間約見面，對方有新戲新歌都會出Po支持，而朴敘俊跟崔宇植因為合作12年的《Family》成為至親，眾人合體就係Wooga Family。家人出MV要幫手，朴炯植同V仔即刻幫拖。