「馬神」馬德鐘相隔兩年重返無線當然備受注目，新劇《跳躍生命線》仲係台慶劇，未開播就成為熱話，網民唔止大講佢嘅制服Look，更瘋傳佢Chok爆宣傳時驚見走晒樣嘅相，似《反斗奇兵》嘅胡迪又似范振鋒，男神堅係崩壞了？
《跳躍生命線》嘅劇照、預告同海報出爐時都唔覺馬德鐘有咩問題，不過佢本人早前出席宣傳活動時，多個角度都被拍到膠到唔對路，一時與胡迪撞樣，一時就似男星范振鋒，引起網民熱議，有人話50歲嘅佢失晒狀態，又有人話佢整容出事走樣，不過都有網民撐佢只係化妝出問題！
瘦咗一截配埋唔多自然嘅粗眉，到底似胡迪定係范振鋒？真係傻傻分不清楚。
其實佢拍劇時同劇中演員合照又無出事，不過自拍皺眉時就出大事！
雖則宣傳出洋相，但馬德鐘於劇集中嘅救護員制服Look就挽回唔少分數，擁有模特兒骨架身材嘅佢幾乎著咩都被讚，著制服更加有魅力，贏盡同劇演員！網民更翻炒佢全盛時期嘅靚仔制服樣！
就係《飛虎》同埋《衝上雲霄》喇！
好多人留言話掛住Vincent呀！
連未入行時於警校畢業嘅制服相都再次被瘋傳，佢當時同未做馬太嘅張筱蘭合照。
囝囝頂上做人氣王
講開馬德鐘個型佬樣，不得不提佢同青梅竹馬老張筱蘭生嘅囝囝馬在驤，今年已經20歲嘅佢愈大愈似老竇，連高大又Fit嘅身形都遺傳埋，入行的話分分鐘封埋男神！
加入香港排球隊嘅馬德鐘曾講過有遺傳運動細胞俾個仔，而馬在驤就係飛魚，多次於游泳比賽奪獎，張筱蘭曾開心Share兩仔爺赤膊行沙灘嘅相，吸引粉絲狂派Like。
馬在驤今年仲話對幕前工作有興趣，唔知將來會唔會父子檔拍劇？
**Follow us on:
- Facebook: CosmoHK
- Instagram: @cosmopolitan_hk
- YouTube: CosmopolitanHK**
留言 0