琴日（10月14日），李偉健（愛回家嘅Terry）終於同佢拍咗拖15年嘅女朋友啊寶拉埋天窗！佢接受訪問嘅時候表示：「佢（老婆）好好呀，唔大使啦，又會煮嘢畀我食，就算佢本身唔識煮嘢食，都會上網搵食譜嚟自學，喺我心目中梗係滿分啦。好多謝佢，肯陪我捱窮，我窮咗咁多年，佢都一直陪喺我身邊，對我不離不棄，支持我，真係好好。」他補充話，雖然大家都好愛對方，但兩個人都有嗌交嘅時候：「淨係結婚都嗌唔少啦。」佢又話，兩個人嘅財政好多年前已經融埋一齊，冇財政獨立咖！
愛回家一眾演員，都親身到賀。尤其係「KC」。歐瑞偉當日出席婚宴嘅時候，向在場嘅傳媒表示，「我哋絕對唔係咩hehe呀，就算喺劇入面都係舅父同外甥嘅關係，唔係一對㗎，我又點會係失去咗佢呢？佢結婚我梗係好戥佢開心啦！」唔止啊，去完Terry婚禮之後，歐瑞偉當晚亦都喺Instagram出Post：「祝偉健幸福快樂！」
在 Instagram 查看這則貼文
歐瑞偉（@au_siu_wai）分享的貼文 於 PDT 2018 年 10月 月 14 日 上午 10:30 張貼
除咗歐瑞偉，林淑敏、蘇韻姿、周嘉洛、阮政峰等都有喺IG再送祝福。
在 Instagram 查看這則貼文
偉健哥 @liwaikin9670 ，可以做你兄弟我好開心? 祝你同阿嫂新婚快樂！幸福！???
周嘉洛 Kalok Chow（@kalok_）分享的貼文 於 PDT 2018 年 10月 月 14 日 下午 9:49 張貼
在 Instagram 查看這則貼文
林淑敏 Suk Man Mandy Lam（@sukman_lam）分享的貼文 於 PDT 2018 年 10月 月 14 日 上午 8:07 張貼
在 Instagram 查看這則貼文
恭喜晒偉健同埋阿寶！祝你地永結同心，白頭到老！???????♀️
Andrea So 蘇韻姿（@andreaso_）分享的貼文 於 PDT 2018 年 10月 月 14 日 上午 9:16 張貼
網民嘅留言先係最搞笑！有網民問歐瑞偉：「有冇娶甥新抱嘅感覺？」有一個就喺林淑敏嘅Post留言話：「簡直喺愛回家番外篇！」，更有眼利嘅網民問：「大龍生呢？」，仲有一個話：「Terry終於結婚啦，龍家三姐弟都係已婚人士啦！」
「安仔」、「池子孝」、仲有「十仔」等擔任伴郎團，而佢劇中嘅家姐「龍力蓮」就同「送水輝」擔任司儀。林淑敏接受傳媒採訪嘅時候，搞笑咁話：「我應該坐主家席咖嘛！」。
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0