蔣家旻着肚兜影AV封面　激咀何廣沛搞到濕晒

藝人蔣家旻於無綫劇集《欺詐劇團》演電影編劇，開拍前特別向一位當有關工作的朋友取經，以了解該職業的日。她出席宣傳活動時，表示友人亦說笑指從事文字工作者不值錢，但當中的付出甚值得人尊敬：「每一行都會有辛酸史，朋友有分享點樣改稿，啲客唔滿意改好多次，改到滿意為止。」劇中她還有一場穿上肚兜拍AV封面戲份，笑指雖然正值冬天，幸衣衫單薄也未有出現豬腩肉，還大讚攝影師影得相當唯美，故會把照片珍藏留念。問到該劇僅得7集，家旻不諱言嫌少：「如果有10集好啲，其實套劇入面都有伏筆可以繼續，希望會有第2季。」

談到早前於新劇《雙生陌生人》與何廣沛拍攝激吻戲，家旻笑指該場戲份於度假屋取景，惟冷氣非常微弱，再加上心情緊張令全身標汗：「背部同額頭都係汗水，當時淨係想快啲完，所以就算感覺到佢啲鬚好拮，都冇乜點補妝。另一場就係講何廣沛喺屋企煮早餐，我要好甜咁攬住佢錫，劇本要求我錫佢塊面，但唔知點解我都好緊張，搞到導演嫌我唔夠甜，叫我再Take。」

東網網站 : https://on.cc/

東網Facebook專頁 : https://www.facebook.com/onccnews/