SWITCH家庭訓練機中文版多達15種關卡同親友對戰競賽！

為咗令大家留喺屋企都可以做運動，Switch推出愈嚟愈多以運動為主嘅遊戲，最新推出嘅《家庭訓練機》中文版就啱晒大家！最多可以支援２人遊玩，仲有針對個人需要嘅體能訓練，就算怕疫情唔敢出去做運動都唔緊要，只要有呢部家庭訓練機，足不出戶都無問題，咁大家就可以留在家中同屋企人或者朋友一齊做運動啦！

圖片來源：Youtube@BANDAI NAMCO Entertainment Taiwan/Hong Kong ｜撰文︰Sharon

家庭運動遊戲《家庭訓練機》繁體中文版喺Nintendo Switch 平台登場，操作更加簡單，只需要將 Joy-Con 控制器放入腿部固定帶並綁在腿上，就可以利用跑步、跳躍等動作挑戰 15 種唔同嘅關卡！

《家庭訓練機》提供兩個腿部固定帶，最多2個玩家使用，大家就可以同親朋好友一齊玩雙人關卡，一齊對戰競賽！遊戲包括獨木泛舟、滑板大師、跳圓木達人同石柱輸送帶等小遊戲！

除咗15種遊戲，仲有針對每日運動嘅「消除運動不足訓練」，收錄「每日 5 分鐘簡單訓練」、「每日 5 分鐘高強度訓練」、「飯後輕鬆訓練」、「平衡訓練」等多種訓練菜單。玩家可以根據個人需求去揀選適合嘅訓練，每日記錄訓練結果，就算留喺屋企都可以做到運動，有興趣快啲買翻部啦！

【INFO】

Switch家庭訓練機中文版

售價︰HKD$468

支援語音：日文

字幕：繁體中文、簡體中文

科技