曾在無綫節目《味分高下》擔任「味之天使雜果賓治」的陳宛蔚,自金牌監製老公錢國偉(Wilson)前年10月因胰臟癌離世後,就身兼父職獨力湊大四歲大的囡囡,更不時在社交平台分享母女合照,而去年12月陳宛蔚曾被傳疑似走出喪夫之痛另結新歡,撻著港姐袁彩雲前度室內設計師佘偉生,二人更被發現在街頭隔住口罩親吻,不過當事人未有回應。
近日有指陳宛蔚原來已經重新出發,返回無綫做藝員經理人,不時陪住黎諾懿、麥美恩、朱智賢等出活動,陳宛蔚又透露過去得到很多朋友關心,以前太過依賴老公,現在想安穩一點,為自己及囡囡都要重新出發,而她又表示過去曾跟老公錢國偉開製作公司,拍過電影、搞過活動,亦做管理過藝人等,對這行業很感興趣,今次可以返回無綫全靠黎諾懿幫忙向樂易玲引薦她,而之前黎諾懿監製節目《仨心友行》亦有叫她去幫手邊做邊學。