昨晚(5月24日)播出的第十集《家族榮耀之繼承者》,講到皓兒(佘詩曼飾)因收到高浚 (林峯飾)Message 上了高浚家,結果看到只穿著男裝恤衫的Nana(梁靖琪飾)打開大門,皓兒含淚問Nana是否在高浚家過夜後,一臉委屈及淚眼望向高浚後即痛極離開,留下一臉迷糊的高浚。
昨晚劇情雖然緊張又虐心,但依然不乏溫馨場面。高浚喝醉後誤將Nana當成皓兒獻上深情一吻,相關幻想場口更拍得唯美動人。雖則鏡頭前心動指數爆燈,但鏡頭背後原來爆笑連場,事緣林峯錫錫吓要推開阿佘,可能一切來得太突然,阿佘「弱小」身心靈慘遭「傷害」,只見阿佘狀甚可憐求救:「好Mean 呀!我成世人未試過畀人咁樣。」之後還抱頭大叫:「好在係幻想咋」,林峯見狀亦忍不住豪邁大笑。
昨晚Toby的身形亦成為焦點,除出席慶祝Party的低裝喱士晚裝盡展驕人上圍,在劇中不時展露的修長美腿,加上一身古銅色肌膚,盡顯健康美。已為兩子之母的Toby坦言開劇前有刻意做運動及節食減肥:「因為我知道劇入面啲衫都頗性感,所以都有好努力咁做運動keep身形。喺開劇前一個月度,我除咗禮拜六或者禮拜日、差不多日日都有抽時間做gym同跟 PT,嗰段時間我都有食得健康啲嘅。」
留言 1
Baddy Mane
又睇TVB?死曱甴關你Lun事咩?
05月25日11:07
顯示全部