藝人李佳芯(Ali)為無綫健康資訊節目《身體最誠實》擔任主持，Ali重提2017年生卵巢腫瘤一事，她說：「有一晚收工返屋企瞓覺，瞓到半夜突然間腹部好痛，嗰種痛係扭住撕裂嗰種痛，我係從來都未試過咁，幾日之後去做身體檢查，醫生發現我個卵巢有個13cm乘7cm大嘅腫瘤。」Ali指其實當時身體早已發生異樣，只是因自己工作太忙未有為意，她說：「我試過摸住個肚時，都feel到凸起咗，但因為工作忙，以為自己只係有小肚腩，忽略咗冇留意。好彩個腫瘤係良性，醫生都即刻幫我排期做手術。」
Ali指做完手術後頭一個星期連起床都有困難：「因為傷口有啲血水未清，每次起身都要㩒住啲嘢借力，所以我啲肌肉同筋骨都會痛。」Ali坦言經歷事件後深有體會：「原來曾經以為離自己好遠嘅事，霎眼間就會出現，所以我不斷提醒自己，要照顧好身體，先可以好好享受生活。」
東網網站 : https://on.cc/東網Facebook專頁 : https://www.facebook.com/onccnews/
