《全民造星V》播放至今，已去到40強賽事，戰況進入白熱化。由過去四屆以來，自己都集集追看，亦與身邊朋友不停討論，誰最合眼緣，誰是十強人選，哪個表演輸得唔抵，哪個被Foul最不合理……統統都成為即晚話題。踏入第五年，節目如常，話題依舊，但感覺上熱度稍遜往昔，到底是如第一集花姐所講，今屆參賽者是最參差有關，還是尚有其他因素？
最直接覺得熱度減退原因，是對參賽者面目模糊的次數大增。事實上每屆都有90多位參賽者，印象模糊一定佔不少，但今季的佔比似乎大增。其實每有參賽者被Foul，而又覺得印象模糊的，自己定必會問一條問題︰佢第一輪表演咩呀？因為第一輪是最個人的演出，只要講出拆骨舞、跳拉丁、好唱得、唱歌劇，是但一項有記憶點的，都自然會勾起憶記，但今屆就是有種莫名的模糊。
如果你有睇晒第一輪篩選，又其實不難理解，因為今屆三位評判伍詠薇、陳詠燊及Edward Chan畀得最多的是一盞藍燈，多到陳詠燊被封為「一燈大師」。意思就是該表演不是不好，但就是平平穩穩未見驚喜，既未差到立即出局，亦未夠資格立即入選，於是個個都放進「復活區」等候導師發落。試問這種表演的記憶點，如何能令大家於三個星期後，在你被淘汰一刻立即想起來？
另一原因是由第三季開始，《全民造星》的集數由頭兩季60及49集，一縮縮到得35集，大幅減少了參賽者練習的畫面，以及各人在鏡頭後的真面目，別忘記當初看到姜濤與MC張天賦娙常遲到被隊友黑面，到後來努力改善準時到達，這都是真人騷最想看到的轉變和成長，但近幾季都大大削減。如果參賽者本身發光發亮，當然影響不大，但未能自我燃燒的，就會少了一個機會讓大家認識。
最後就關乎今屆導師，四位導師韋羅莎、馮允謙、陳蕾、陳健安，除了在爭人時似有火藥味，其餘時間都表現得相當客氣，凡事循循善誘，不厭其煩，寧願怪責自己都不讓隊員難堪。出發點是好的，從學習角度看更加是執到寶，但從節目角度就是教化味太濃，睇住幾位社工湊仔一樣，大大欠缺節目效果。
幸好在60強連番敗仗的藍組，去到40強賽事，導師韋羅莎爆出小宇宙，心中團火燒得正旺，令幾場表演都精彩得多，挽回贏得漂亮，輸得唔抵的情緒牽動。或許今屆的起點可能遲了少許，但總希望好戲會在後頭，在產生十強前，令更多參賽者留下記憶點，表演更精彩。
撰文︰余建
Facebook專頁︰https://www.facebook.com/Stupid.View
IG專頁︰https://www.instagram.com/Stupid.View
留言 3
Kit
40強藍組轉變原因會唔會係轉咗導師...點解一字不提
2023年06月18日07:52
咬蔗的老野(Prime)
白熱化/稍遜往昔/幸好....... 好客氣文筆好唔尖銳喎，對唔同台有唔同詞庫？
2023年06月18日05:15
nw
無咗花姐, 吸引度的確大減, 另一個原因係有了海外選手, 好多時同香港選手有了隔膜
2023年06月18日05:08
顯示全部