歌手張敬軒（軒仔）日前到田馬場任表演嘉賓，並出動「大紅」私家咪獻唱，希望大家旺上加旺！不過，之後迎來了一個小插曲，張敬軒於社交平台甫出相片，相片見到他的私家咪被刮花了，令他心痛不已！由於軒仔的私家咪價值不菲，修理亦要花不少錢，難怪軒仔忍不住呻兩句：「真係會好肉赤，已經唔係用多，都唔知幾時整到嘅。」他指出席活動前才發現支咪「受傷了」，並感慨謂：「有時提啲Sound man哥哥鏡錫啲，驚講多句面色又唔好睇，又唔想畀人覺得我好似好小家咁，但我自己用嘢都好愛錫。」
雖然遇上小小不快事，但昨日(2月1日)是軒仔生日，世界各地粉絲都在前一日向偶像送上生日祝福，軒仔經理人公司以及「冤枉娛樂」都有整張靚圖賀軒仔。而一向幽默的軒仔生日一起身都即刻以「慵懶聲」錄音答謝大家的祝福：「早晨， 多謝大家嘅生日祝福，嘻嘻！ 好嘢， 一擘大眼就 四張四喇， 好得人驚！ 都祝大家新年快樂！」軒仔仲話有一件事要宣布，並以高八度的聲量大叫：「 我收爐喇！」生日假正式展開！可喜可賀！
東網網站 : https://on.cc/東網Facebook專頁 : https://www.facebook.com/onccnews/