九龍灣私家車駛上行人路　市民怒斥女司機「係咪有病」

社交網昨日（18日）流傳多張汽車違規行駛照片，顯示一輛白色私家車在九龍灣常悅道與宏照道交界，剷上行人路至零碳天地門口停下。途人對其違規行徑大為側目，紛紛以手機拍攝，期間駕車的女司機更無視行人安全，在行人路行駛一段路後，才施施然駛回常悅道離去。

有目擊過程的途人拍下影片，質問女司機「佢識唔識揸車架，無端端喺十字路口剷上行人路。」當私家車在行人路行駛時，途人忍不住驚呼，「有無搞錯呀！拉啦，佢係咪有病呀，喺行人路度行？」

影片亦惹來網民熱議，直言「大地任我行」、「橫行霸道」、「完全唔識睇線、睇標示，無常識，依家車牌咁易考嘅」、以及「呢啲真係要做佢先得，唔可以放過，遲早出事」。

東網網站 : https://on.cc/東網Facebook專頁 : https://www.facebook.com/onccnews/