22歲的姜濤3年前以MIRROR成員身分出道後，一直得到大批「姜糖」支持，人氣、工作同吸金力都直線上升，名利雙收，但近日姜濤作客「Do姐」鄭裕玲的電台節目《口水多過浪花》時，就坦言有自知之名，行到今時今日「有幾多係靠運氣」！
姜濤現時可說是人氣、事業走到最高峰，但他在節目就透露會時刻提醒自己唔可以自滿，因為之後一定會有更多比自己做得好的人出現：「我有自知之明，唔係乜嘢天才，又唔係由細學音樂學到大，冇資格話好，我對自知之明好高，有幾多係靠運氣，如果話靠自己行過嚟就太自大，有上天同身邊人幫忙。」又表示看完電影《梅艷芳》後，覺得梅姐以身作則的為人處事精神教導了不少香港人，希望自己都可以一樣：「攞得愈嚟愈多，更加要畀嘢人哋，除咗作品，就係精神，作為一個藝人嘅價值，唔係喺呢一行留低乜嘢，而係要離開呢行後留低乜嘢。」
姜濤重提當年因為是肥仔一名而被同學取笑欺凌，不過坦言可能跟自己性格有關：「我係一個好肥嘅人，但內心深處唔肯承認自己咁肥，當呢種矛盾狀態一齊時，就會做到乞人憎，可能大家話我肥，我會話：『肥乜吖！』我都會攻擊番人哋，人哋可能一句玩笑說話，我好認真，呢啲可能導致到外界人愈來愈唔鍾意我，我都唔想鍾意佢哋，呢種幼稚心態，導致自己嗰時冇乜認識到朋友。」又剖白當年在鄧肇堅維多利亞官立中學讀到中三就轉學去青年學院（邱子文）讀文憑的真正原因，是因為成績太差被踢出校，更後悔沒有珍惜學生時光。
