名模Jessica C.（JC）嫁咗畀影星老公安志杰（Andy）後，因為要忙做賢妻良母，湊住一對仔女，所以佢哋對馳名嘅「警鐘胸」都冇乜時間同機會響起。不過啲宅男唔好失望住，因為佢又重投模特兒嘅行列，最近為某內衣品牌影咗幾輯性感內衣相，佢對久違嘅「警鐘胸」終於再重現，對宅男嚟講，真係最佳嘅新年大禮。
雖然已為人妻嘅佢已經33歲，仲生咗兩位小朋友，不過佢天生麗質，又勤做運動，因此仍然樣靚，身材同以前一樣咁冇得頂，胸大、腿長，條蛇腰仲Keep得住，嗰日佢着咗黑Bra套裝挨喺張床度，擺「如夢」嘅騷胳肋底，美感十足，同做女時一定咁引死人。
吸睛大法冇生疏
之後佢再甫咗一條拍攝花絮片，雖然有段時間冇做模特兒，但嘅吸睛大法一啲都冇生疏，見坐喺床上嘅佢，突然自動波倒轉瞓底玩「倒奶」，等攝影師捕捉佢最令人噴血嘅一刻，期間個Bra有少少移位，佢就用手扯番正個位，可能覺得個動作太豪放，所以都忍唔住對住鏡頭笑，嗰個樣真係可愛到不得了，好多網民留言話妒忌Andy娶到咁索嘅老婆。
東網網站 : https://on.cc/東網Facebook專頁 : https://www.facebook.com/onccnews/