人氣男神魏浚笙（Jeffrey）一直都靠靚仔樣殺盡娛樂圈，係大眾認可嘅男神，雖然知道佢細個係擁三層肥肉、重達190磅嘅肥仔，不過見佢依家減到一排朱古力腹肌，毅力有目共睹。近日佢未出道前、2017年拍攝關注情緒病嘅政府宣傳短片被曝光，當時只得19歲嘅佢於片段中找學生做街訪，又訪問專業人士，青春樣出晒嚟。
不過網民就留意到，雖然佢五官冇咩點變，但係就好明顯同依家好大分別，因為佢一身打扮不如依家精緻，加上all back髮型更突然當時仲係圓圓哋嘅面形，髮色、眉形等都同佢唔係好襯，令網友驚嘆果然型男都要搵啱打扮，男神氣質先會閃閃發光。
東網網站 : https://on.cc/東網Facebook專頁 : https://www.facebook.com/onccnews/
留言 0