尖沙咀燒肉小店　自家熟成牛肉＋有齊三個國家和牛｜尖沙咀｜牛魔

其實燒肉小心講手勢，如果大家有朋友係燒肉高手，其實都幾幸福，例如呢間嘅店員咁(店長?!)，真係超熟悉每種肉嘅燒法，唔識問佢都會教下點燒，例如野原燒果下炎之呼吸，就係由佢出手。

呢間燒肉小店追求高質靚肉，原來係全港第一間有自家熟成牛肉，而且肉類選擇比出邊多，有齊三個國家嘅和牛，唔怪得係呢條咁靜嘅街，果日平日去都有人等位。

-
🥘牛魔和牛壽喜燒定食 (午市 $98)
雖然今次Dinner黎食唔到，但見到咁抵都要Share下，呢個價錢超痴線，但都係和牛，再配月見蛋汁，下次Lunch經開都要試下。

-
🥩A4和牛沙朗海膽刺身 (半價後 $69)
🥩A4牛魔野原燒 (半價後 $64)
前者用上肥美A4沙朗部位，伴上鮮甜海膽，後者輕輕一燒再沾蛋汁，脂香濃厚到極，而且半價真係超抵，點樣半價記得碌落下邊最底。

🥩牛魔星級熱賣套餐 (二人前星期日至四$680)
一Set有齊以下咁多嘢食，肉類都有4碟，其實計一計真係性價比超高，而且都係高質靚肉。

🔸前菜
🥢揚櫻花蝦豆腐 / 梅酒蕃茄
🥢煙燻蘋果木松露和牛他他/鮮活魷魚筒
呢到必揀和牛他他，其實係佢地招牌黎，肥美生和牛他他，拌上黑松露、生蛋汁、蘋果絲，果種層次真係令人難忘。

🔸肉類
🥢美國和牛封門柳 🥢美國和牛牛板腱 🥢香蔥薄切牛舌
🥢全天然西班牙豚肉五花腩 / 烏肶肉醬油 / 野菜組合
🔸主食
🥢黒松露和牛肉碎炒飯 / 日式芝士魚籽雞卷
🔸散叫 - 厚切牛舌心 ($92)

-
🔸其他散叫小食
🌽粟米天婦羅 ($48)
🍘芝士吉列鳥肶肉飯卷 ($88)
🍜讚岐烏冬 ($20)
🍻Suntory神泡生啤 ($55)
其他散叫嘢食都超抵，例如濃湯烏冬都係20蚊碗，神泡生啤可能係尖沙咀最抵，粟米天婦羅都係必叫，好食過出邊唔少日本菜。

-
牛魔 @yakiniku_more
🗺️尖沙咀棉登徑8號地下5-6號舖
📞27508800
❇️佢地最近做緊訂位優惠，Book枱果陣講「ymore1」優惠碼，夜晚每個二人餐，都可以半價追加A4和牛一份(和牛海膽刺身 / 野原燒二選一)，抵到傻咗。

生活