Edan自認面皮鬆敷面膜急救　MC反白眼撩鼻加入黑圖大戰

MIRROR成員邱士縉（Stanley）早前開心慶祝34生日，隊友呂爵安（Edan）依照慣例送上「黑圖」賀壽，公開趁Stanley在車上補眠時的低抄偷拍照，大表哥即回應準備報仇，並在社交平台公開徵收Edan的黑圖，引發黑圖大戰，粉絲在社交平台鬥晒黑圖存貨，直至昨（23日）晚Edan終於知錯，上載多張自己的黑圖自嘲，連張天賦（MC）都加入戰局，獲網民大讚大方。

Edan上載多張自己的黑圖，當中大多都是表演時影到的怪圖，他亦留言自嘲面皮鬆：「經過大家早兩日嘅黑圖大戰，我發現咗一樣嘢，原來我唔係面皮厚，我係面皮鬆。」Edan補充被自己震驚到，及發現自己跳舞時面部會變形，之後Stanley跟機公開多段被偷拍的瞓覺片， 留言：「既然都嚟到呢個地步，我都想有金剛不壞之身。」不過獲粉絲搞笑踩台，呼籲Stanley不要跟Edan鬥，全因對方黑圖太多。