梁芷珮穿運動Bra Top送囡囡返學　引起網民質疑太暴露

1.踏入9月，係小朋友嘅開學日子，唔少星級爸媽都出動送仔女返學。近日42歲嘅TVB主持 #梁芷珮 （Christy），就因為送囡囡返學時嘅衣著引起討論！

2.育有2子1女嘅梁芷珮，熱愛運動保持身材fit爆。早輪佢送囡囡返學時，上身只穿運動Bra，下身配以運動短褲，露出中間的小蠻腰，活力十足！

3.但有網民就認為佢衣著唔太合適喇，「太暴露啦，始終學校，披番件外套好啲！」、「露晒腰，會惹來其他家長妒忌」；亦有網民認為無不妥，「都係着得sporty啲，好健康呀！」

4.梁芷珮親自送完囡囡上學後，即趕去跑步做運動，難怪水蛇腰中亦隱約見到腹肌。梁芷珮近年主持旅遊節目《潮什麼》系列走紅， 帶挈其收入大增，仲搬到東涌豪宅，生活寫意，平時都不時在社交平台post出運動裝靚相，形象正面入屋，更被封為人妻女神！

5.究竟係家長太保守，定係衣著要睇場合？即管睇下其他星級媽媽嘅開學戰衣係咩！「天王嫂」 #方媛 開學日亦親自出馬，乘坐七人車到銅鑼灣，親自帶5歲囡囡Charlotte返幼稚園。佢當時衣著低調，「明星三寶」cap帽、口罩、眼鏡齊晒，似乎怕被人認出，不過亦不失天王嫂氣派，貼身白T配搭嘅係全身名牌，低調之中不失貴氣。

6.而「索腿天后」 #陳敏之 亦都行低調路線，幾乎素顏送囝囝返小學。雖然一般星級媽媽都係行低調路線，怕自己成為焦點，但凡事兩面睇，送仔女返學叫做著得好健康定太性感，都係視乎用咩眼光睇。就好似昔日辯論‘’中學生應否談戀愛？‘’而家講“靚媽能否着露腰裝送仔女開學？”都係見證緊時代轉變囉！

▼Follow 娛頭
Facebook: https://www.facebook.com/profile.php?id=61554772610166