其實我都幾鍾意去尖沙咀 K11 MUSEA食野，最近連Gaia Group都响4樓開設首間集合浙、滬、京菜的中菜廳「金枝玉葉」，畀我地一次過試齊四地的美食，最正是連晚飯都可以食到幾款點心。
冰沙酸梅聖女果 呢款前菜好啱我，冰沙酸梅聖女果，涼浸浸的酸甜好開胃。蒜蓉拍萵筍 一粒粒萵筍加埋蒜蓉香味，好爽口，仲食到萵筍本身的清甜味。紹興炸臭豆腐 能做到脆而不油，外脆內嫩，仲有臭豆腐獨有的香氣，盡顯師傅功架，好味。陳醋啫喱紅蜇頭 陳醋啫喱酸酸甜甜配埋彈牙又脆的紅蜇頭，入口仲索索聲，啫喱的酸甜又軟諗諗，兩者剛柔俱備，好夾。鮮肉小籠包 小籠包內的鮮肉均採用黃金比例配方調製而成， 粒粒小籠包手工包製而成，皮、肉、湯汁協調，所以味道特別鮮美。瑤柱蛋白炒飯 瑤柱蛋白炒飯粒粒分明，不會太乾有點濕潤的口感。手工芝麻蝦多士麵包 鳳尾蝦爽口又彈牙，炸到香脆無比，芝麻鋪滿足料蝦膠上，增添香氣又惹味。雲南羊肚菌赤肉燉老火湯 羊肚菌有助於增強免疫系統，提高抵抗力，其獨特的香氣配埋赤肉，呢對完美組合，湯頭濃香又清甜，最合呢個季節。蜜汁火焰豚肉叉燒王簡直是一場表演，是視覺與味覺的體驗。師傅在我們面前先在海鹽上淋上玫瑰露，然後點火，一邊炒海鹽，一邊用火攻叉燒，約 3-4 分鐘，入口時叉燒都滲出陣陣玫瑰酒的香氣，若果再耐啲有燶邊就更完美。堂蒸香茅基圍蝦 要食到鮮蝦真味，清蒸或是白灼，便是最佳選擇，呢道堂蒸再加埋新鮮香茅將基圍蝦蒸熟，入口鮮美爽口，鮮嫩彈牙。黑豚肉餅蒸蟹 平時大家食肉餅就多，主廚呢個改良做法，以獨家配方調製黑豚肉，將整隻新鮮肉蟹放在肉餅上，入口時肉餅全數吸收了蟹肉的鮮甜，變得更鮮嫩多汁，超級的好味。金枝秘製牛肉 浙菜的代表作，主廚運用秘制的特製醬汁令牛肉增香氣，並加入蘋果汁和蔬菜汁，以文火慢燉 3 小時，入口牛肉內外酥嫩入味，肉質細緻柔軟，鮮嫩多汁。黃金煎堆圓圓透明超級巨型，打完卡後就剪彩喇，香脆可口，好好味。桂圓蓮子燉雪耳 滋潤無比的桂圓蓮子，配埋燉雪耳，清甜可口，超正。廁所內更是提供Jo Malone洗手液及潤膚霜，所以呢餐我就好認真咁勤洗手喇，對手仲不知幾香且潤。最後講講呢間「金枝玉葉」，裝潢都幾華貴。我地一行8人就入左私隱度高既廂房，仲有私人廁所，方便至極。此外，呢度早午都有好多點心選擇，晚市就有幾款，仲有午市及晚市套餐，依家新張期間仲有限定優惠， 大家來時記住問店員呀！
金枝玉葉
地址: 尖沙咀梳士巴利道 18 號 Victoria Dockside K11 Musea 4 樓 401 號舖
電話：63099588
網址: https://gaiagroup.com.hk /restaurant/golden-blossoms-
