CCTV揭有人掌摑　陳惠敏護女：佢啲朋友被呃錢

武打影星陳惠敏早前患上肺癌、懷疑有人藉此冒名向他身邊人借醫藥費，其女兒陳鳳儀（Didi）為父討回公道與游姓男子理論時，期間有人出手掌摑，陳鳳儀涉嫌普通襲擊及刑事毀壞被捕。陳惠敏下午三時許與太太離開西貢寓所，甫見記者在場即表示身體已痊愈，問到女兒被捕保釋候查一事，他說：「女人打得佢有咩事，對方成日都呃佢（女兒）啲朋友，啲朋友畀佢呃晒，個個都爭錢，我個女梗係嬲。（你嬲唔嬲？係咪同佢冇朋友做？）冇喇，邊仲有朋友做，我啲朋友畀佢呃晒咁滯。」而Didi接受訪問時亦表示與母親現正保釋候查，並說：「已經交咗畀警方處理，唔方便講。完咗件事再同大家交代。

至於承認曾遭人掌摑的游先生提供的CCTV所見，有兩女一男入到游先生住所後，兩名女于情緒激動，不停質問游先生醫藥費問題，當中年長女子出手，涉嫌掌摑游先生，而年輕女子其後從手袋拿出一個錘仔，擊毀一個花樽。

東網網站 : https://on.cc/

東網Facebook專頁 : https://www.facebook.com/onccnews/