工裝風格係男仔嘅專利？NO NO NO咁諗就大錯特錯啦 ! 邊個話女仔唔可以駕馭工裝？今日就要打破你嘅既定印象！
工裝風格可以追溯到戰後19世紀，工業革命令美國工人階級崛起，工人嘅衣著逐漸發展成一種獨特嘅風格，常見單品包括牛仔外套、吊帶褲、工作靴等，更連帶捧紅了Levi's、Carhartt、Dickies等工裝品牌。
工裝風格的單品主要使用牛仔布、皮革、帆布、粗仿綿料作為面料，冬季單品就會用到燈芯絨、羊羔毛。
顏色配搭方面，主要圍繞藍色、棕色、綠色，搭配百搭的黑色、白色。
依家鍾意中性風嘅女仔越來越多，想著上工裝展現自我風格，大家就快啲攞筆記簿記低以下嘅單品啦~
①工裝外套（Chore Coat）
工裝外套具備多個口袋， 正面有四個，通常為靠近底部兩個、胸前兩個，呢種設計方便工人喺工作時收納工具。
②連身工裝褲/吊帶褲（Overalls）
吊帶褲主要由一件類似圍裙的布料結合下身工作褲，再加上兩條吊帶構成；連身工作服則是一整件連身的衣服，上衣作成襯衫的版型，提高腰線拉長腿嘅效果驚人。趕住出門口又懶得諗著咩？著一件Overalls就可以出得街，同時又充滿時尚感。
③工裝靴
耐穿的特性讓你可以著住佢四圍走，只要搭配一件工裝褲或牛仔褲就好有型。推薦的品牌有Timberland、Red Wing、Palladium軍靴等等。
#日系復古工裝
近年復古風大熱，好多日本街頭古著穿搭的潮人，融合復古元素與工裝單品，打造出日系工裝路線。
工裝風唔只係潮童先carry到，其實作為上班族嘅OL都可以著翻工，日系工裝穿搭簡約，一件簡單的工裝褲，搭配恤衫、T-Shirt就好好睇。掌握以下幾種單品，就能輕鬆穿出日系工裝風格。
①工裝背心
如果想添加一些層次，工裝背心會是不錯的選擇。工裝背心多口袋的設計能使造型層次更加豐富，內裡可以搭配T恤或恤衫，營造簡單隨性的日系風格。
②工裝褲
擁有筆直大長腿，緊係可以任性咁選擇著修身牛仔褲，還者寬鬆闊腿褲。但對於想跟貼潮流，對腳又唔夠筆直修長嘅，著咩褲好呢？同緊身褲Say Bye Bye，喺衣櫃添上寬鬆舒服嘅工裝褲 !
工裝褲可以隨著穿搭，選擇九分、束口、寬版等不同款式的工裝褲，具備搭配性極強的優點。小編特別推薦闊腿工裝褲，寬鬆的褲管可以遮住小粗腿，好適合下半身偏胖的女生，將褲腳卷起就可以當束腿褲穿，一褲多用。
③帆布鞋/板鞋
鞋款方面會推薦百搭的帆布鞋或滑板鞋，特別是Converse和VANS兩款鞋最受歡迎，與上身的簡約搭配互相呼應。
留言 0