請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

苑仔嘆做演員身不由己 拍《封神榜》遇母中風 陷忠孝兩難全困境

苑仔在節目內憶起亡母時,禁不住落淚。(大會提供)
苑仔感嘆演員是身不由己的職業。(大會提供)
苑仔自爆曾目睹舊愛偷食,令她對美滿婚姻有獨特想法。(大會提供)

由王祖藍主持的《有個閨密叫祖藍》,昨(4日)晚播出第6集,嘉賓是苑瓊丹(苑仔),苑仔在節目內無所不談,句句啜核兼盡顯真性情。

談到代表作《封神榜》,苑仔坦言劇中每滴都是真眼淚,皆因無論當時自身處境或角色背景,均是「忠孝兩難全」:「嗰時要返內地取景1個月,冇幾耐屋企人打嚟話我阿媽中風。我當時搵監製:『如果媽咪嚴重我要即刻走』,第二日我媽媽打嚟,勸我唔好走,叫我做埋佢。

說到此處,苑仔苦笑說:「依家都忍唔到(想喊)…你屋企人有事,你又要堅守工作,係忠孝兩難全嘅。到我返香港落機,見到阿媽已經瘦晒,動作唔係好靈活,因為我好少離開屋企咁耐,所以我媽媽嚟接機。(王:因為佢掛住你)你諗吓佢啱啱出院,係好難受嘅事,所以《封》對我嚟講,係唔使用眼藥水,係一個最成功而又最難受嘅日子。」苑仔說到此處不斷拭淚,並謂希望觀眾朋友能多點支持演員們:「因為演員係好身不由己嘅職業,當你開始咗話唔拍,咁邊個承擔損失?」

之後苑母於苑仔離港工作期間與世長辭,令苑仔決心減少接拍離港拍戲的工作:「嗰時返內地拍第一部做女主角嘅戲,我媽就突然中風走咗,我係搭飛機趕返嚟,第二日再飛返番劇組。」苑仔因而有了頓悟:「我成日勸我啲朋友,『唔好以為每日返屋企,你阿媽煮飯畀你係理所當然』,同埋唔使有好消息,冇壞消息就係最好嘅消息。」

母親離世除了令苑仔明白世事無常,亦讓苑仔在愛情方面有所成長。事緣苑仔曾因目睹男友偷食大受打擊,更一度不再相信愛情:「點解後來我咁多男朋友呢?因為覺得冇所謂,個個都係咁㗎啦,冇咗甲又有乙、冇咗乙又有丙。到我媽媽走咗之後,我睇番轉頭,其實你唔好淨係睇人缺點,你要睇到人優點先得,咁好多嘢就唔會計較。」

自此苑仔學會感恩,並對「美滿婚姻」有了獨特看法:「有個人喺旁邊不斷支持你,其實係一件好事。最美滿嘅婚姻係咩?係放任。你鍾意做咩?隨便!信任係會有要求喺裏面,放任係一啲要求都冇。」

提及當年前度偷食事件,已看得很開的苑仔說著說著,更搞笑地拿祖藍開玩笑:「嗰日我諗住去佢屋企畀驚喜佢,見冇人咪匿埋先。之後聽到有人講嘢同開門閂門聲,行出去一睇,見到佢同個女仔親熱喎,我直頭啲血由對腳衝上個頭,真係嚇親。(說畢指著祖藍)佢仲要好似你添呀,一個大鼻仔,個樣仲要好謙厚。」祖藍聞言反擊:「你唔好咁講呀,我以為係黃光亮㗎。」

在節目中,苑仔自揭拍攝《九品芝麻官》中的經典對罵場口時瘋狂NG,令她決心重返電視台修煉:「NG到我唔敢再拍電影,雖然(段對白)係好難,但你收得人錢就要做得到,無論點都唔係藉口。」

(即時娛樂)

查看原始文章