張詠恩攬關智斌合照稱如家人　反與張致恒逾5年冇合照

現年39歲的張致恒（Steven）與太太區燕雯奉子成婚四年抱四，近年經常傳出財困，有報道指他四出借錢，借到眾叛親離，早前公開在網上「乞錢」引發熱議。張致恒家姐張詠恩（Jan）今日（9日）上載一張攬實關智斌的合照，並留言：「親密如家人，一切在心中。」被解讀為意有所指。

張致恒與張詠恩家中共有四姊弟，除了同父異母的長姊外，還有一個與張致恒十足餅印的弟弟張致良（Ryan），張詠恩過去曾隨組合Krusty出道，其後轉行做品牌公關，更與友人合資創辦公關公司，張詠恩與張致恒同為圈人中，過去不時公開溫馨互動，張致恒2019年結婚時，張詠恩亦有在IG恭賀，不過自2019年後她的社交平台已沒再見到張致恒的身影，與另一弟弟Ryan則一直感情要好，Ryan去年生日，張詠恩公開姊弟合照祝賀，有網民認錯Ryan為張致恒，張詠恩更一度親自回應：「你係咪有少少誤會？」疑似有意與張致恒劃清界線。

張詠恩今日在IG上載一張與關智斌的合照，留言盡顯好交情：「好耐無見，難得在工作上碰面，感覺如親人，一切在心中。P.S 衰佬咁鬼fit又靚仔又盛。」過去Boy'z紅館騷遭張致恒拖累，亦有傳關智斌亦是張致恒的債主之一，不少網民見到張詠恩的留言即時聯想到她話中有話，不過亦有網民為張致恒求情，希望張詠恩幫幫細佬：「比多一次機會個細佬，幫吓佢哋一家，咁冇辦法，點樣令到佢哋搵到錢，小朋友好陰功。」