影帝任達華「自願減薪」接拍小品題材的電影《紅豆》，電影明天（27號）正式推出，一向對演出作品穎負責的他並未「將貨就價」，被發現與戲中飾演其太太的龔慈恩，以及「準女婿」朱鑑然齊齊現身謝票場，與戲迷談天說地了解電影之餘，朱鑑然更代表挑戰「一分鐘五百個甫士」，當眾撒糖扮可愛，引得尖叫聲連連。
談到今次電影取名《紅豆》，導演鄒穎親自解畫說：「紅豆又叫相思豆，好配合戲中思念母親（龔慈恩）嘅劇情，亦希望大家感受到戲中嘅人情味啦。」任達華則自踩：「後生仔千祈唔好學我個角色，唔識照顧家庭，絕對係錯誤示範，今次完全巔覆咗我嘅形象。」他又大讚龔慈恩「甜」到似紅豆沙，皮膚細白兼凍齡，氹到對方笑靨如花。
談到謝票場與觀眾作出交流，任達華坦言：「完場見到佢哋好多人都眼紅紅咁，話畀我知好感動，又話自己去開九龍城街市買餸（故事以九龍城為背景），大家好似街坊咁好親切。」他又指與龔慈恩其實已演過多次夫妻，一直沒有好結果，今次劇情更交代她辭世，不過戲中二人感情要好，都算是「感情到老」，彌補了遺憾。
東網網站 : https://on.cc/東網Facebook專頁 : https://www.facebook.com/onccnews/