柳應廷新MV拯救輕生男子　成首位MIRROR成員出個人專輯

柳應廷(Jer)新曲〈大海少年〉MV昨日上架，成為MIRROR成員2023年壓軸派台作品，歌曲主題是溫暖，希望為大家帶來力量與希望。而且Jer更即將成為首位MIRROR成員推出個人專輯。

〈大海少年〉由Serrini及Him Hui@The Hertz作曲，小克填詞，是一首窩心打氣歌。Jer說：「Serrini好似一個媽媽，會教育佢嘅Fans一啲道理，佢嘅歌亦陪伴我渡過一啲唔開心嘅日子，聽完即刻多好多力量，所以一直以嚟都好想做到咁有力量嘅歌，而家搵到佢寫，成件事好巧合。」而小克的歌詞亦加強了歌曲的溫暖與力量：「呢首歌好想帶俾大家一啲力量、希望，就算生活幾咁唔好，你都唔會覺得得你自己一個，同行仲有好多人，至少仲有我。」

MV中就有林子傑(Ronald)飾演失業漢，而Jer的角色是天使，回想起由林耀聲飾演的爸爸，在黃梓樂飾演的孩童年代，就已利用一隻帆船玩具，教曉自己一些人生道理：「我喺MV裡面提醒主角，爸爸同佢玩帆船，其實係想教識佢一啲道理，細細個小朋友唔知，覺得純粹係一隻船，但其實爸爸由佢細細個已教佢一個乘風破浪嘅道理，希望佢長大之後，諗返呢件事，會發現爸爸曾經教過一啲咁有道理嘅事情。應用喺長大咗嘅主角身上面，希望佢唔會因為生活上嘅一啲不順利而放棄，我嘅角色就係提醒主角，爸爸細細個已經教過你呢個道理，你已經識咗，你要應用喺生活上面，唔好忘記你嘅初衷。」

Jer將推出個人專輯《I am the I》，不過只推出黑膠，他說：「出黑膠碟係由細到大嘅夢想，細細個已經覺得除咗聽之外，黑嘅嘅封套、裡面嘅內容，都係超值得珍藏。」今次黑膠會有兩個版本，封面都是由小克繪畫，Jer道：「出碟對於我嚟講係一件唔容易嘅事，因為身為歌手，要出一隻碟，俾自己同Fans去珍藏，呢個project已經plan咗成年，今日終於出到，正呀！太開心！」《I am the I》預計2024年2月正式推出。