男團ERROR在昨晚的《新城勁爆頒獎禮2023》上奪得「勁爆組合獎」，成員吳保錡同時獲頒「勁爆人氣偶像」，隊長梁業（肥仔）亦憑《Phat N Fresh》奪「勁爆跳舞歌曲獎」。郭嘉駿（193）因病未現身，肥仔在後台受訪時笑言︰「因為我同保錡都有獎，佢咪唔舒服。」阿Dee隨後認真說︰「佢同我喺台灣拍節目時已唔舒服，依家流感好犀利，佢咪瀨嘢囉﹗我呢次住新酒店時，都畀古怪嘢搞到瞓唔着。」保錡聞言提醒︰「講得靈異嘢多，做唔到Fashion嘢。」阿Dee立即改口︰「我有宗教信仰，唔信呢啲﹗我以為自己瞓唔到，應該發緊夢，瞓到喇﹗」談到與MIRROR齊齊得獎，阿Dee說︰「我有信心ERROR會喺《勁爆》有獎，只係投票機制點都輸畀MIRROR，因為我哋唔夠MIRROR人多。不過，佢哋3個人嚟拎4個獎，我哋嚟3個就拎3個獎，都係輸。」
（即時娛樂）
