羅耀輝執導，蔡卓妍(阿Sa)、張繼聰、朱栢康、邱士縉(Stanley)、吳家忻、楊偲泳(Renci)、楊偉倫(阿卵)、謝安琪(Kay)主演的賀歲電影《祥賭必贏》，早前就在新城市廣場舉行首映禮，吸引過百粉絲到場，主角張繼聰更提到唔係鼓勵大家賭錢：「唔好誤會我哋，套戲唔係鼓勵大家賭錢，我哋一班演員其實豪賭嘅係人生，我哋做演員就係豪賭喺事業嗰度。」
而阿Sa則分享和Stanley演姊弟的趣事：「好開心，有個又高大又靚仔嘅細佬，我而家畀人叫做大表姐呀。」「大表哥」Stanley搞笑回應：「我應該贏咗全香港99%男士，能夠做到阿Sa細佬，好夢幻！」Stanley還透露二人其實是雀友，自己更是阿Sa的手下敗將。
而朱康在戲中會演中韓混血兒：「今套戲最大難度係要我演靚仔，我要諗點樣說服自己係靚仔。」首次主演電影的Kayan則透露今次跟阿聰和朱康有多場對手戲，要投訴兩位：「戲中我做阿聰個妹，又跟朱康談情，但呢兩個人喺現場好無聊，好乞人憎！」原來二人經常爆肚，令Kayan忍不住笑，阿聰就爆Kayan多次笑到流眼淚。
其他演員如Renci和阿卵亦分享各自角色的趣事，Renci笑言：「我個角色一個痴女，邊個靚仔痴邊個，帶少少調皮啦。」阿倫則表示：「我個角色係一個賭場吉祥物，總之見到我賭錢，你自己就會贏錢。」特別客串的Kaho則提到與阿Sa的對手戲：「我哋戲中係交心朋友，我個角色叫BM，borrow mony，借錢借到做真心朋友。」有幸跟阿Sa做對手戲的Kaho，更讚對方非常靚女。而Kay驚喜現身首映禮，原來不只支持老公阿聰，自己更是有份演出：「我為咗個角色秘密練咗啲嘢，同賭博又同夫妻有關，呢一幕都幾重要。」