王梓軒獲邀登上韓國音樂節目　「十日內完成表演設計排練」

現年38歲的王梓軒（Johnathan）於2022年與TVB結束合約後，專注於外地發展。早前他身兼製作人和男主角，推出英語微短網劇《選美兄弟班》（RAGS 2 RICHMOND），以溫哥華舉辦的第一屆男子選美比賽為背景，描寫有關友誼、野心與娛樂圈秘聞的故事。劇集播出兩星期，劇集觀看次數已衝破350萬。

負責主唱《選美兄弟班》主題曲《Low Key》、身在溫哥華拍攝的王梓軒，早前收到韓國MBC電視台音樂直播節目《Show！Music Core》的邀請。他在社交平台出帖文，寫道：「真係估唔到自己聽日會有機會上到MBC電視台〈Show! Music Core〉獻唱新歌！小弟兩個禮拜前仲係溫哥華做緊 #選美兄弟班 嘅後期，突然收到通知話韓國MBC電視台有興趣邀請我哋演唱新歌 #LowKey。喺短短十日內，我哋由溫哥華同排舞老師Joe嘅dancer設計完表演就即刻上左飛機去韓國同呢邊嘅dancer排練。刺激得來亦非常感恩有呢次機會，同才華洋溢嘅朋友喺身邊。好多謝大家嘅支持同配合！記得上網睇直播喇！」

從未在韓國表演過王梓軒透露，今次準備時間非常短，由確定演出到上舞台只有10日。他收到演出邀請後，就馬上聯絡一位曾經幫美國喜劇電影《JOY RIDE》編舞的編舞師Joe Tuliao 設計表演，在溫哥華排完舞就到韓國跟舞者練習。Johnathan很感謝各位編舞師，以及韓國化妝師、髮型師等人。

至於王梓軒主理的《選美兄弟班》最終回日前已經上架，他直言反應比想像中好，劇集未播完已有日本、馬來西亞電視台有興趣傾播放權，之後更收到MBC邀請上音樂節目，覺得整件事很夢幻。Johnathan透露，今次的成績是一支強心針，之後會製作更多同類網劇，繼續以英語為主。