Now H1 NowTV 全新Android TV機頂盒子 Google Play 裝 Disney+ Netflix Google 助理 用廣東話操控智能家居

#NowH1#Android TV#Google助理廣東話
早前，Now TV 正式推出由 Android TV 智能系統操作嘅 Now H1 盒子。作為Z世代達人嘅我，當然要睇下佢有幾巴閉啦!
Now H1最大嘅特色就係可以透過Google 助理，用話音輕鬆控制同埋操作 Now TV、Now H1，以至成個家居嘅智能裝置。
今次Now TV同Google嘅合作，重點優化咗廣東話嘅語音操作，令語音操作更加人性化，作為香港人，用起上嚟就更加易用，同有親切感啦!
另外，透過語音系統，除咗可以叫Google 助理幫手播放想睇嘅節目同搵下足球賽程之外，
亦都可以連接成個屋企嘅智能裝置，令到Now H1 盒子化身做你屋企助理，控制晒屋企嘅燈光、冷氣，甚至係保安系統，
你仲可以記錄低屬於自己嘅設定，例如嗌出「戲院模式」，你設定係「戲院模式」中，聲音嘅大細，燈嘅光暗都會一次過呈現，
咁就唔使每次都手動調較咁麻煩啦!
Now Tv 嘅客戶可以透過Google Play 下載自己鐘意嘅應用程式，就好似HBO GO、Netflix、ViuTV，
方便大家用一個機頂盒，睇晒所有想睇嘅嘢啦!
所有Now TV嘅客戶只需要每月48蚊，就可以享用到 Now H1 盒子帶俾你最嶄新同最高科技嘅體驗啦!
有興趣嘅你，不妨期待下!